हिन्दु राज्य माग गर्ने पक्राउ

दार्चुला, साउन ४ – संविधानको
मस्यौदामाथि सुझाव दिने कार्यक्रममा
हिन्दु राष्ट्रको माग गर्दै सहभागी हुन खोज्ने
१० जनालाई प्रहरीले पक्रेको छ । राप्रपा
नेपालका जिल्ला अध्यक्ष वीरसिंह बडाल,
अखण्ड नेपालका केन्द्रीय सदस्य रघुवीरसिंह
ठगुन्ना र राष्ट्रिय शिवसेना पार्टीका
जिल्ला अध्यक्ष रामसिंह कार्कीलगायत १०
जनालाई प्रहरीले पक्रेको हो ।
सुझाव संकलन कार्यक्रममा हुनसक्ने
नाराबाजी र विरोधलाई मध्यनजर गर्दै
उनीहरुलाई पक्राउ गरिएको प्रहरीले
जनाएको छ । कार्यक्रमस्थल सदरमुकाम
खलंगाको खुलामञ्च नजिकैबाट नियन्त्रणमा
लिइएकाहरुलाई सुझाव संकलन कार्यक्रम
सकिएपछि छाड्ने प्रहरीले जनाएको छ ।
स्रोत:- उज्यालो ९० नेटवर्क